Hovudmeny
Årboka
Bøkene våre
Aktuelt
God påske!
Vi anbefaler den spanande serien "Odins smykke" som påskelitteratur i år.
Les heile saka »
Året då kvinnene tok makta
Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »
Fjordamat i nytt opplag
Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »
bilde: Copyright © 2008 Selja Forlag AS
Bokslepp og sentrumsvandring
Publisert 4. november 2011
kl. 14:56:05 av Grethe Eithun
Interessa var stor då forfattarane Tom Dybwad og Finn Loftesnes inviterte til sentrumsvandring i Flåm under Nynorske Litteraturdagar laurdag, for å fortelje om Opptur Nærøyfjorden, den femte boka i den populære OPPTUR-serien.
Boka inneheld 88 turar av ulik vanskegrad, som er merkt med støvlar i turomtalane. Ein støvel er ein lett tur, fem støvlar er ein tung/krevjande tur.
- Dette er ein rundtur som ein til dømes kan ta som ein oppfriskande spasertur om morgonen før frukost for å opprette appetitt, sa forfattar Tom Dybwad då han og medforfattar og fotograf Finn Loftesnes starta turen, som gjekk rundt Fretheimsåsen i strålande sol.
Boka vart lansert under opninga av Nynorske Litteraturdagar på Fretheim hotell fredag kveld.
- Her finst noko av det flottaste fjordlandskapet i verda, sa Tom då han presenterte boka for publikum, og viser til verdsarvområdet i indre Sogn, frå Vik i vest til Lærdal i aust, frå Sognefjorden i nord til Voss i sør.
Alle rutene er teikna inn på flyfoto og har fyldig turomtale. Boka inneheld 86 fotturar, ein sykkeltur og ein padletur gjennom kommunane Aurland, Lærdal, Voss og Vik.
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no