Hovudmeny

Årboka

Bøkene våre

Aktuelt

30.03.2012

God påske!

Vi anbefaler den spanande serien "Odins smykke" som påskelitteratur i år.
Les heile saka »

21.03.2012

Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »

02.03.2012

Fjordamat i nytt opplag

Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »

Gå til arkiv

Bokslepp på barneavdelinga

Publisert 3. november 2011
kl. 14:29:48 av Grethe Eithun

-Alfred Bamse har vore eit triveleg innslag for dei tilsette på sjukehusa våre, sa administrerande direktør Jon Bolstad då boka om Alfred Bamse vart lansert på barneavdelinga på måndag.

Og jammen var sjukehusdirektøren så imponert over Alfred si tøffe tversoversløyfe at han hadde skaffa seg ein prikk lik i svart.

Dette er ei informativ og flott bok som både barn og vaksne vil ha glede av. Her er mykje god informasjon om korleis eit sjukehus fungerer, sa Bolstad, før han overrekte Alfred og forfattar Kurt Rutledal eit flott innramma foto av bamsen i MR maskina på sjukehuset. Bilete viser at Alfred har eit stort og varmt hjarte.

Etter sjølve boksleppet vitja Alfred og Kurt alle ungane som låg på barneavdelinga på Førde Sentralsjukehus og sjølvsagt fekk dei kvar si bok med signatur både av Alfred Bamse og Kurten.

- Boka er først og fremst ei bok for born, men den kan også vere til nytte for vaksne. Ikkje minst for dei foreldre som har born som skal eller har vore på sjukehus, sa forfattaren under boksleppet. Han gav også ros til alle dei tilsette i Helse Førde: - Både eg og Alfred Bamse har blitt mottekne med opne armar overalt. Alle har vist velvilje og vore positive og hjelpsame, sa han.

Noko av målet med boka har vore informasjon. Når ein er på sjukehus er det som regel som pasient eller pårørande, og ein forheld seg berre til legar eller sjukepleiarar. Men for å drive eit sjukehus finst det ein haug med forskjellege yrkesgrupper som ein ikkje ser til dagleg.

- Eg tykkjer det har vore viktig å få presentert alle desse ”skjulte” yrkesgruppene, seier Rutledal.

Gå tilbake

Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no