Hovudmeny
Årboka
Bøkene våre
Aktuelt
God påske!
Vi anbefaler den spanande serien "Odins smykke" som påskelitteratur i år.
Les heile saka »
Året då kvinnene tok makta
Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »
Fjordamat i nytt opplag
Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »
bilde: Copyright © 2008 Selja Forlag AS
Fjord1 Fylkesbaatane jubilerer med ny bok
Publisert 11. november 2008
kl. 15:18:59 av Linda Hovland
Den 2. desember 1858 gjekk den første turen med det nyinnkjøpte dampskipet "Framnæs" mellom Bergen og Lærdal. I desse dagar markerer Fjord1 Fylkesbaatane at det er 150 år sidan selskapet vart grunnlagt, selskapet som er det eldste lokale rutereiarlaget i landet.
Historia om det ærverdige selskapet blir også fortald i ei ny bok frå Selja Forlag, "Frå dampskip til gassferjer", der Magnus Helge Torvanger er forfattar.
Boka fortel historia om ferjefarten og båtrutene i Sogn og Fjordane, eit fylke med lange fjordar og mange øyar, der sjøen har vore den viktigaste ferdsleåra heilt fram til idag. Men Fjord1 Fylkesbaatane av i dag, med hovudkontor i Florø, er eit stort og moderne selskap, og boka legg mest vekt på historia dei siste 25 åra.
I denne perioden har det blitt fri konkurranse om både ferje- og båtruter. Selskapet har ekspandert utanfor heimfylket og driv dei nye gassferjene i Hordaland og Rogaland. Dei tidlegare fylkesbåtane i Sogn og Fjordane og Møre og Romsdal har gått saman i Fjord1-konsernet, som er størst i landet på ferje- og hurtigbåtdrift.
- Det har vore ei stor ære å få lage bok til ei slik historisk hending som Fjord1 Fylkesbaatane sitt 150-årsjubileum, seier forfattar Magnus Helge Torvanger (57), som tidlegare har arbeidd i selskapet, mellom anna som redaktør av passasjermagasinet "Fjord og Kyst". Han har tidlegare skrive boka 101 fjordabåtar, om fartøya til Fylkesbaatane i Sogn og Fjordane. Adm.dir.
Stig Kristoffersen er glad for den nye boka. - Eg trur grunnen til at Fylkesbaatane har greidd seg så godt i alle desse 150 åra er evna til å forandre seg og utvikle seg. Selskapet har alltid vore tidleg ute, fornya flåten regelmessig, og hatt ei drift som tilpassar seg nye vilkår. Eit godt døme på det er dei nye gassferjene vi har i drift mellom Bergen og Stavanger.
Det er ei svært stor og viktig satsing for heile Fjord1-konsernet, som viser at vi er mellom dei beste i landet. Og det har vi tenkt å fortsetje med, seier Stig Kristoffersen.
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no