Hovudmeny
Årboka
Bøkene våre
Aktuelt
God påske!
Vi anbefaler den spanande serien "Odins smykke" som påskelitteratur i år.
Les heile saka »
Året då kvinnene tok makta
Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »
Fjordamat i nytt opplag
Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »
bilde: Copyright © 2008 Selja Forlag AS
Variert påskelektyre
Publisert 15. april 2011
kl. 09:26:42 av Anne Britt Fedøy
Ei fyldig oppsummering over fjoråret i tekst og bilete og ei rå spenningsbok frå vikingtida.
Det var tema då Selja Forlag onsdag hadde bokslepp for ”Årboka for Sogn og Fjordane 2010” og ”Trollbøn”, den tredje boka i den historiske romanserien ”Odins smykke”.
- Årboka har komme ut kvart år sidan 1993 som abonnementsbok. Nytt i år, er at den også kan kjøpast enkeltvis i bokhandelen, fortel forlagssjef Torkjell Djupedal i Selja Forlag.
Årboka for Sogn og Fjordane 2010 tek oss med på ei rundreise gjennom alle dei 26 kommunane gjennom eit heilt år. Stoffet og bileta er saksa frå dei åtte lokalavisene i fylket pluss regionavisene Bergens Tidende og Sunnmørsposten. Redaktør Torbjørn Rørvik fortel at det er ein lang prosess med å velje ut innhaldet, som skal vere både geografisk og tematisk fordelt. Kvar månad skal det frå ein meterhøg stabel med aviser veljast ut 25 saker, som skal spegle fylket i tekst og bilete. I tillegg til avisoppslaga, inneheld årboka ein fyldig faktadel med statistikkar med alt frå største verksemder til sal frå vinmonopolet.
- Eg har sjekka. Ingen andre fylke i heile landet har noko tilsvarande som Årboka, fastslår Rørvik.
- Årbøkene er som god vin. Dei blir berre betre med åra. Kvar bok er eit historisk dokument som synleggjer både store hendingar og kuriosa i fylket. Selja Forlag har også laga eit register som viser alle personar som er nemnde i Årbøkene. Dette registeret finn du på www.selja.no. Til saman er det snakk om 13000 menneske. Det finst vel knapt ein familie i heile fylket, som ikkje har hatt nokon av sine med i ei eller fleire av bøkene. Berre i siste utgåve er det snakk om 1000 personar, fortel Djupedal, som tilslutt tipsar om at Årboka 1996 kan vere ei flott gåve til årets konfirmantar, som vart fødde i nettopp i året 1996.
Før jul gav Selja Forlag ut ”Asgeir Åsason”, første bok i den historiske romanserien ”Odins smykke”. Bok 2, ”Berserken” kom ut i februar og no er altså bok 3, ”Trollbøn,” kommen i handelen.
- ”Trollbøn” betyr hypnose, og i denne boka møter vi Sote Ramn, den fremste seidmannen i Norveg på 920-talet. Boka handlar om striden mellom Seidfolket og Kong Eirik Blodøks, og er ganske uhyggeleg. Sote Ramn er tvers gjennom vond, og Asgeir får det tøft i møtet med han, fortel forfattar Bjarte Sindre.
Bøkene om den unge ættelause vikingen Asgeir, har fått mange trufaste lesarar, og talet vert nok ikkje mindre etter denne spennande romanen. Perfekt lesnad i påska!
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no