Hovudmeny
Årboka
Bøkene våre
Aktuelt
Kjempetilbod: 17 Årbøker for kr 995,-
Bli abonnent på Årboka for Sogn og Fjordane og få velkomstpakke på 17 Årbøker for berre kr 995,-
Les heile saka »
Beklager
Tekniske feil gjer at det ikkje er mogeleg å handle i nettbutikken.
Les heile saka »
Mammut 2012
Norges største og mest kjende boksal, Mammut er i år frå 27. februar til 10. mars. Selja Forlag tilbyr desse titlane:
Les heile saka »
bilde: Copyright © 2008 Selja Forlag AS
Audun Hugleiksson
Frå kongens råd til galgen
Skriven av Berit Gjerland, Yngve Nedrebø, Jørn Øyrehagen Sunde og Stig Årdal
Baron Audun Hugleiksson Hestakorn (ca. 1245-1302) var ein av Noregs mektigaste menn på slutten av 1200-talet, då landet hadde si største utstrekning, og Bergen var hovudstad. Han var kongens høgre hand, både under Magnus Lagabøte (1263-80) og Eirik Magnusson (1280-99). Men då Håkon Magnusson vart konge i 1299, vart Audun kasta i fengsel. Etter 3 ½ år i fangeholet, vart han hengd i galgen på Nordnes i Bergen 2. desember 1302. Kva Audun var skulda for er aldri blitt oppklara.
Audun Hugleiksson kom frå Jølster, men var på morssida i slekt med kongehuset. Han var lovkyndig og må ha studert i Bologna og Paris på 1260-talet, og vart den sentrale mannen i det store lovarbeidet på 1270-talet som kong Magnus Lagabøte fekk æra for.
Audun var i 1273 kalla ”den visaste mannen” i Landslova, og i 1277 vart han baron. I 1295 forhandla han fram ein avtale med kongen av Frankrike, som berga den norske statskassa frå fallitt.
Audun Hugleiksson var også ein av landets rikaste menn, og på herresetet Hegranes i Jølster bygde han seg eit eineståande slott i stein. Mytene om Audun har levd vidare på folkemunne. Forfattarane av denne boka har granska originalkjeldene og gjev her den første samla framstillinga av livet til Audun Hugleiksson og tida han levde i, basert på ny kunnskap.
Innhald i boka om Audun Hugleiksson:
- Auduns eventyrlege liv og ublide lagnad
- Noregsveldet og Europa på 1200-talet
- Det makelause lovarbeidet under Magnus Lagabøte
- Godseigaren Audun og oversyn over gardane hans
- Slottsanlegget på Ålhus
- Avtalane med Frankrike i 1295 og andre originalkjelder
- Kring 200 foto, teikningar og kart.
Utgitt 2002
192 sider, innbunden
«Audun Hugleiksson» er utseld
ISBN:
To utvalde bøker frå kategorien Historie før 1850:
Dronning Ingerid og bisp Nikolas
Ingerid Ragnvaldsdotter (fødd kring 1110) var svensk prinsesse, gift fire gonger med danske og norske stormenn og spelte ei viktig rolle i den kaotiske borgarkr[..]
Les meir
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no