Hovudmeny

Årboka

Bøkene våre

Aktuelt

30.03.2012

God påske!

Vi anbefaler den spanande serien "Odins smykke" som påskelitteratur i år.
Les heile saka »

21.03.2012

Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »

02.03.2012

Fjordamat i nytt opplag

Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »

Gå til arkiv

I kø for Alfred Bamse

Publisert 22. oktober 2010
kl. 12:22:23 av Grethe Eithun

Med over 1700 vener på Facebook, eigen fanklubb og eit førehandssal på nærare 600 bøker har Alfred Bamse og forfattar Kurt Rutledal eit godt utgangspunkt for bokeventyret om Alfred Offshore. Tysdag var det bokslepp på Bulandet skule og bygdefolket sto i kø for å sikre seg eit eksemplar av den nye boka.

Skulen på Bulandet var fullsett då Kurt Rutledal presenterte boka si som er gitt ut på Selja Forlag. I gymsalen var det duka til fest med to store kaker dekorert med motiv frå boka og sjølvsagt ei svær skål med bamsemums, som er Alfred Bamse sin favoritt sjokolade.

Med songen ”Se på min lille teddy du” drog elevane ved Bulandet skule i gang sleppet av boka Alfred Offshore. Seinare framførte dei både spesialskrive festskrift og rap til Alfred, som er ”kosolog” ved skulen.

- No har om lag halvparten av elevane her på skulen bestemt seg for å jobbe offshore når dei vert store, seier rektor Asgeir Torvanger ved Bulandet skule og smiler.

Dermed har Kurt Rutledal nådd noko av målet sitt med boka, nemleg å fortelje at ein kan ta mange utdanningsretningar og likevel vere busett på Bulandet eller i andre utkantstrok.

Oljeindustrien har bruk for folk med mange ulike utdanningar. Til dømes sjukepleiarar, målarar, maskinistar, ingeniørar, kokkar, reinhaldsarbeidarar.

- Alfred blei så populær at folk kom inn på kontoret mitt for å fortelje at no skulle dei ut å gjere interessant arbeid, og lurte på om ikkje Alfred kunne få vere med. Til og med dei tøffaste av dei tøffaste offshorearbeidarane stod med Alfred Bamse i armane, som ein sjølvsagt ting, fortel Rutledal.

Dette er den første barneboka som tek føre seg det særeigne livet offshore, og ved å presentere alt gjennom ein kosebamse, så blir ting med ein gong meir interessant for ungane: Kva gjer dei på der ute? Korleis kjem dei seg dit og kva arbeider dei med? Kva gjer dei på fritida? Korleis har dei det på lugaren? Alt dette får vi svar på i boka som følgjer Alfred Bamse og forfattar og automasjonsingeniør Kurt Rutledal, frå dei reiser frå Bulandet til Åsgård A på Haltenbanken i Norskehavet og til dei kjem heim att 18 dagar seinare.

Gå tilbake

Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no