Hovudmeny

Årboka

Bøkene våre

Aktuelt

30.03.2012

God påske!

Vi anbefaler den spanande serien "Odins smykke" som påskelitteratur i år.
Les heile saka »

21.03.2012

Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »

02.03.2012

Fjordamat i nytt opplag

Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »

Gå til arkiv

Smakfullt bokslepp på Selja Forlag

Publisert 11. juni 2010
kl. 13:01:05 av Grethe Eithun

Selja Forlag møtte sommaren med smakfullt bokslepp og hageselskap i Jølster midt i juni. Koke- og kakebokforfattar Kari Støfringsdal inviterte gjestene til kaffe, kaker og heimelaga saft i Fjordamattunet då forlaget presenterte tre nye bøker: "Mat i det fri", "Båtar med sjel I" og "Ta kaka".

- Når det står kaker på bordet er det fest, og eg synest vi har god grunn til å feire at "Ta kaka" er ute i nytt opplag, seier Kari Støfringsdal, som saman med Åse Kongsvik frå Leikanger og Heidi Brunstad-Øyehaug frå Volda er forfattarar av kakeboka "Ta kaka". Boka kom første gong ut i 2005 og har lenge vore utseld. Alt ein kan drøyme om av gode kaker er med i boka, i alt 200 oppskrifter, men boka fortel også historia bak kakene. Oskar Andersen sine flotte bilete inspirerer lesaren til å lage kakefest.

"Mat i det fri" inspirerer også lesaren til å gå i gang med matlaging. Her finn ein oppskrifter for god og enkel mat ein kan lage på bål ute i naturen. Forfattarane Per Momrak og Øystein Vegge har prøvd ut alle dei 80 oppskriftene på tur med elevar ved Nordfjord folkehøgskule, der dei er lærarar. Her er både middagar, bakst og dessertar som ein lett kan trylle fram på bålet. Boka viser korleis ein gjer det. Til dømes scones baka i sjusteinsovn, sjokoladefondant i appelsin, steikt på glør og grilla heilsteikt hare. Smakfullt, enkelt, garantert gass- og foliefritt. Den vesle boka har delikat utforming og særmerkte foto av Ellen Lande Gossner. På boksleppet serverte Per Momrak smakfull pizza rett frå bålet.

I tillegg til mat- og turbøker har Selja Forlag ein klar profil også på maritime bøker og bøker knytt til kystkulturen på Vestlandet. Bokserien "Båtar med sjel" har nådd ut til mange lesarar, og den første boka frå 2002 har lenge vore utselt. No har "Båtar med sjel I" av Malvin Toft kome i ny og revidert utgåve, med tekst og bilete om og av 78 fiske- og fraktebåtar frå Vestlandet. Dei tre bøkene i serien har omtale av 216 båtar, der alle kystkommunane på Vestlandet er representerte. Malvin Toft er fiskarbonde får Skorpa i Flora kommune, og "Båtar med sjel I" er ei av heile seks bøker om kystkulturen der han har vore hovudforfattar.

Gå tilbake

Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no