Hovudmeny
Årboka
Bøkene våre
Aktuelt
God påske!
Vi anbefaler den spanande serien "Odins smykke" som påskelitteratur i år.
Les heile saka »
Året då kvinnene tok makta
Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »
Fjordamat i nytt opplag
Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »
bilde: Copyright © 2008 Selja Forlag AS
Årbok for einkvar smak
Publisert 13. april 2010
kl. 15:06:51 av Anne Britt Fedøy
No er Årboka for Sogn og Fjordane 2009 på veg ut til abonnentane. Redaktør for boka, Torbjørn Rørvik, meiner folket i Sogn og Fjordane er priviligerte som har så mange lokalaviser å velge mellom.
- Eg voks opp ein stad utan lokalavis. Det måtte store og dramatiske hendingar til for at vi kunne lese i Bergens Tidende om saker frå Dale i Vaksdal. Folk i Sogn og Fjordane er heldige som har kortare veg inn i lokalavisene sine. Eg trur nesten alle innbyggjarane i dette fylket på eitt eller anna tidspunkt i livet har vore med i lokalavisa.
Det seier Torbjørn Rørvik (50), redaktør av Årboka for Sogn og Fjordane, som kom ut med 17. årgangen sin måndag, med bokslepp på Skei i samband med årsmøtet til Sogn og Fjordane Avisforeining. Rørvik har i 2009 lese alle avisene i fylket og samla det beste stoffet i bokform. Han har sjølv bakgrunn som journalist og redaktør, og seier det har vore vanskeleg å velje stoff.
- Vi leiter etter dei beste sakene, både mjuksaker og nyhende, og noko for ein kvar smak. Det gode biletet er alltid viktig. Heile fylket og alle kommunar er representerte. Vi har vore på jakt etter saker som står seg over tid, slik at årboka blir interessant også om mange år, seier Rørvik.
Årboka for 2009 er på 272 sider i stort format, og har også ein fyldig faktadel på 70 sider. Forleggjar Torkjell Djupedal i Selja Forlag la vekt på at årboka slik er med på å dokumentere fylket, både innan folketal, politikk, kultur, samferdsle, næringsutvikling og sport.
- Denne gongen har vi m.a. teke med folketalsutviklinga i fylket over lang tid. Tilbake i 1801 hadde Sogn og Fjordane nesten same folketal som Oslo og Akershus til saman. Den gongen hadde fylket 6% av folketalet i landet, i dag er det 2,2% som bur her, medan Oslo og Akershus har 23% av folketalet. Så kan ein jo lure på kvifor utviklinga har vore slik, sa Djupedal. Han la til at fylket frå 2008 til 2009 hadde den største folketalsveksten sidan 1980, og at det gir håp for framtida for Sogn og Fjordane.
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no