Hovudmeny
Årboka
Bøkene våre
Aktuelt
God påske!
Vi anbefaler den spanande serien "Odins smykke" som påskelitteratur i år.
Les heile saka »
Året då kvinnene tok makta
Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »
Fjordamat i nytt opplag
Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »
bilde: Copyright © 2008 Selja Forlag AS
Ingrid pryder framsida på 19 000 bøker
Publisert 13. april 2010
kl. 14:41:24 av Anne Britt Fedøy
Førre veke var ho tilbake i barnehagen for å delta på feiringa av boksuksessen "Klare sjøl" frå Hornindal. Den no 11-årige Ingrid Gausemel er framleis like blid som ho var som 4-åring.
Hornindal kommune har vel 1200 innbyggjarar, medan kokeboka "Klare sjøl" frå barnehagen i bygda no er komen i endå eit opplag og til saman er trykt i 19 000 eksemplar. Det er over 15 bøker for kvar innbyggjar. Og bøkene finst i dei fleste bokhandlar over heile landet, og også i mange utland.
- Vi har nådd mykje lenger ut i verda enn vi nokon gong drøymde om då vi sette i gang, seier Ann Iren Ulvedal, forfattar og styrar i Hornindal barnehage.
Rett over påske var det feiring i barnehagen med mat til nesten hundre. Både dagens barnehageungar og dei som var med på bokprosjektet i 2002 var med. Den gongen var dei 3-5 år gamle, no er dei 8 år eldre. Alle fekk vere med på matlaging, og alle fekk smake. På menyen stod både pølsegryte, fruktsuppe og svele, med oppskrifter frå "Klare sjøl".
Det spesielle med boka er at alle mål oppskriftene er i kopp og skei. Nytt i det 5. opplaget er ei engelsk ordliste, slik at endå fleire kan bruke oppskriftene i boka. Det er Christine Haugen, assistent i barnehagen, som har stått for omsetjinga.
- Kanskje vi no når endå lenger ut, ler Ann Iren. Ho er også glad for mykje skryt frå fagfolk opp gjennom åra for det pedagogiske innhaldet i barnehagen der ungane både sankar, dyrkar og lagar maten sjølv. Det er desse tankane som pregar "Klare sjøl", og boka er med på pensumlistene i førskuleutdanninga på mange høgskular.
Det var i 2001 at Ann Iren og dei to andre forfattarane av boka, Reidunn Otterdal og Anne Britt Sårheim, fekk ideen om å lage eit lite hefte med oppskrifter som dei brukte i barnehagen. Dei kontakta Selja Forlag, og ideen utvikla seg til ei større bok. "Klare sjøl - kokkar små med kopp og skei" kom ut hausten 2002. Alt før jul var førsteopplaget på 2500 vekke, og seinare opplag har også fått bein å gå på. I tillegg har boka vore hovudbok i ein bokklubb.
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no