Hovudmeny
Årboka
Bøkene våre
Aktuelt
God påske!
Vi anbefaler den spanande serien "Odins smykke" som påskelitteratur i år.
Les heile saka »
Året då kvinnene tok makta
Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »
Fjordamat i nytt opplag
Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »
bilde: Copyright © 2008 Selja Forlag AS
- Nesten meir informasjon enn du kan bere......
Publisert 12. mars 2010
kl. 14:51:46 av Anne Britt Fedøy
Fylkesleksikon for Sogn og Fjordane er ei skattekiste for alle som bryr seg om fylket. Her er eit vell av informasjon om alt frå Harald Hårfagre til den ferske OL-vinnaren Tarjei Bø.
Fylkesleksikon for Sogn og Fjordane kom ut i 4 bind i fjor haust, og er på heile 3200 sider og har 12 000 foto. Det er inndelt etter kommunar, og her kan ein lese om både kommunehistorie, samferdsle, skule, kyrkje, kultur, helsestell, organisasjonsliv, aviser og media, industri og næring, historie, krigshistorie, stortingsrepresentantar, kongevitjingar med meir. Det er også med over 3000 biografiar av menneske som har utmerka seg på ulikt vis. Alle samfunnsfelt er omtala, heilt ned til grendenivå. Bokverket har register med over 12 000 oppslagsord og veg heile 11,2 kg!
Forfattar av Fylkesleksikon er Ottar Starheim, som har arbeidd i NRK Sogn og Fjordane heilt sidan kontoret vart oppretta i 1975.
Ottar Starheim har gjort ein kjempejobb. Vi i Selja Forlag er imponerte over all den informasjonen han har samla. Og alt stoffet er presentert på ein tiltalande og lesverdig måte. Verket som bør finnast i alle bokhyller i Sogn og Fjordane og hos alle utflytte sogningar og fjordingar.
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no