Hovudmeny
Årboka
Bøkene våre
Aktuelt
God påske!
Vi anbefaler den spanande serien "Odins smykke" som påskelitteratur i år.
Les heile saka »
Året då kvinnene tok makta
Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »
Fjordamat i nytt opplag
Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »
bilde: Copyright © 2008 Selja Forlag AS
125 bøker på 13 år!
Publisert 22. januar 2010
kl. 10:36:45 av Anne Britt Fedøy
Selja Forlag har ved utgangen av 2009 gitt ut 125 bøker. Bøkene utgjer til saman 236 hylle-centimeter og er på meir enn 26.000 boksider.
Alle bøkene har tilknyting til Vestlandet. Kring 120 forfattarar har vore med på bøkene.
Første boka frå Selja Forlag var "Selja - kulturhistorisk handbok", som kom ut i juni 1996. Dei første åra kom det 1-3 bøker i året, i åra 2000-03 mellom 6 og 9 bøker i året, og i seinare år 12-18 bøker i året. Toppåret så langt var 2005 med 18 bøker, medan forlaget gav ut 17 bøker i 2009. I tillegg har mange titlar kome i fleire opplag, m.a. Opptur-bøkene, Fjordamat-bøkene, Klare sjøl, Havlandet og Storm ved Stad.
Selja Forlag har ein klar Vestlands- og nynorskprofil. Av dei 125 bøkene er 118 bøker på nynorsk, 5 på bokmål og 2 på engelsk. Enkelte bøker har samandrag eller kortare tekstar på engelsk/tysk i tillegg til norsk.
Alle bøkene har emne og/eller forfattar frå Vestlandet, med eit tyngdepunkt i Sogn og Fjordane. Den geografiske fordelinga viser att i kvar boksleppa for bøkene har vore. Forlaget har hatt 98 bokslepp i Sogn og Fjordane, 18 i Hordaland og 9 i Møre og Romsdal. I Sogn og Fjordane har 22 av 26 kommunar hatt bokslepp. Fordelt på "fogderi" har 50 bokslepp vore i Sunnfjord, 26 i Nordfjord og 22 i Sogn. Dei kommunane med flest bokslepp er Førde 23, Flora 12, Bergen 7, Jølster 7, Bremanger 7, Sogndal 6, Aurland 6, Eid 5, Gaular 4 og Selje 4.
Forlaget har også ein klar sakprosa- og dokumentarprofil, med mange bøker med stikkord som historie, reise, fotturar, krig, kyst, mat, praktbøker, biografiar, bygdebøker, o.l. Men det har også kome ut skjønlitteratur, diktsamlingar og barnebøker på forlaget, ca 15 titlar.
Ser vi på forfattarane, er det kring 120 personar på lista, av desse kring 1/3 kvinner. Av dei som er mest representert kan nemast Gaute Losnegård, Magnus Helge Torvanger, Malvin Toft, Finn B. Førsund, Berit Gjerland, Kari Støfringsdal, Åse Kongsvik, Finn Loftesnes, Rune Timberlid og Yngve Nedrebø.
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no