Hovudmeny
Årboka
Bøkene våre
Aktuelt
God påske!
Vi anbefaler den spanande serien "Odins smykke" som påskelitteratur i år.
Les heile saka »
Året då kvinnene tok makta
Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »
Fjordamat i nytt opplag
Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »
bilde: Copyright © 2008 Selja Forlag AS
No skal vi rett heim og lese!
Publisert 8. oktober 2009
kl. 12:15:38 av Anne Britt Fedøy
Marita Huus og Elena Eikevik Bjånes tykte det var stor stas å få seg ei gratis nynorsk barnebok.
Fredag 2. oktober inviterte Selja forlag, Førde Libris og Førde Mållag heile 4. klasse ved Førde Barneskule til Førde Libris, for å markere at vi saman vil dele ut 1100 nynorske barnebøker gratis til alle born mellom 0 og 16 år.
Dei forventningsfulle elevane fekk blant anna møte forfattaren Rolf Losnegård, som fortalte litt om kvifor han er forfattar og kvifor han har skrive boka "Hemnaren", som er ein av dei fire titlane borna kan velje mellom.
- Har de nokon gong vore ombord på ein båt i stygt vêr? Tenk dykk at de har heile familien, tenestefolk og masse dyr med på denne båten og at de skal reise over det store havet. Ein av mennene ombord har ein kniv, og han har tenkt å drepe nokon med den.....
- Eg visste ikkje korleis denne reisa ville utarte seg, eg visste berre at dei ville komme fram til Island. For å vite kva som skjedde ombord, så måtte eg skrive historia, fortalde Losnegård dei lydhøyre ni-åringane.
Liv Unni Kvamme fortalde om livet i ein bokhandel, Torkjell Djupedal fortalde om korleis ein lagar bøker og Førde Mållag sa litt om korleis dei jobbar for å bevare nynorsken.
Etterpå fekk elevane velje seg kvar si bok, samt kose seg med bollar og saft.
- Eg skal rett opp på rommet og lese i dag, kunngjorde Elena Eikevik Bjånes, med boka "Hemnaren" trygt i armane.
Det er framleis att gratis bøker til utdeling, og alle born mellom 0 og 16 år er hjarteleg velkomne innom Førde Libris på Førde Torg for å få si eiga nynorske barnebok!
Dei fire titlane borna kan velje mellom er:
Lillian Øvrelid Berge: Kvifor et du ikkje skorpene dine, Håkon?!!!
Katrine Sele: Månen er så liten som ein katt. 39 born fortel
Herman Starheimsæter: Den svarte Audien
Rolf Losnegård: Hemnaren
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no