Hovudmeny
Årboka
Bøkene våre
Aktuelt
God påske!
Vi anbefaler den spanande serien "Odins smykke" som påskelitteratur i år.
Les heile saka »
Året då kvinnene tok makta
Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »
Fjordamat i nytt opplag
Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »
bilde: Copyright © 2008 Selja Forlag AS
Geiranger med tredje Opptur
Publisert 18. juni 2009
kl. 14:31:59 av Linda Hovland
Alle gode ting er tre, heiter det. No er den tredje Opptur-boka komen, og tek føre seg dei makelause turområda på indre Sunnmøre. Alle dei 93 turane er teikna inn på flyfoto, og har i tillegg grundig omtale. For forfattaren av "Opptur Geirangerfjorden", Merete Løvoll Rønneberg (43), er det første boka, medan fotograf Finn Loftesnes (62) har vore med på Opptur-bøkene både for Sogn og Fjordane og Hordaland.
Boksleppet for "Opptur Geirangerfjorden" gjekk føre seg på Haugsetsetra, høgt over Geirangerfjorden, med mange hundre turglade sunnmøringar til stades. Boka har også turar ved Tafjorden og Sunnylvsfjorden. Fjellområda kring verdsarvfjordane trekkjer årvisst til seg både norske og utanlandske turistar og fjellfolk.
- Sjølv om eg er godt kjend i området her frå før, har eg lært mykje nytt i arbeidet med boka. Særleg likte eg å lage kulturvandringar i alle bygdene. Det er turar nede i bygdene, som turistar og bygdefolk gjerne kan bruke ein sommarkveld på. Men sjølvsagt er det fjellturane som er hovudsaka i boka. Eg har vore på nesten alle turane, men eg har vore avhengig av god hjelp frå bygdefolk for å kvalitetssikre tekstane. Så dette er ikkje berre mi bok, det er vår bok, seier Merete Løvoll Rønneberg.
Boka kjem ut i samarbeid mellom Selja Forlag og Stiftinga Geirangerfjorden Verdsarv. Forlaget har tidlegare gitt ut "Opptur Sogn og Fjordane" og "Opptur Hordaland", som begge har kome i fleire opplag og har hatt svært godt sal. Det som er spesielt med "Opptur Geirangerfjorden" i høve til dei tidlegare bøkene er at teksten også er på engelsk.
- Vi er svært glade og stolte over boka, og trur mange av dei tilreisande i Geiranger er interesserte i å oppleve naturen også til fots. Denne boka gir dei den hjelpa dei treng for å kome ut i naturen, seier direktør Katrin Blomvik i Verdsarv Geirangerfjorden.
Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no