Hovudmeny

Årboka

Bøkene våre

Aktuelt

30.03.2012

God påske!

Vi anbefaler den spanande serien "Odins smykke" som påskelitteratur i år.
Les heile saka »

21.03.2012

Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »

02.03.2012

Fjordamat i nytt opplag

Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »

Gå til arkiv

Villsauboka

Villsauboka gjev ei grundig framstilling av villsauen si kulturhistorie og fortel om villsauen sin plass i høve til andre saueraser.

I over fem tusen år har menneske stelt kystlandskapet for å skaffe seg mat og skapt seg eit liv i nært samspel med naturen. I lyngheiane ved havkanten har dei hatt sauer på beite, som gav både kjøt, mjølk, skinn og ull. ”Den gammalnorske sauen er eineståande og har til alle tider gjeve oss så rike gåver at han fortener respekt og omsut. Ursauen er ikkje gammaldags, men ein sau for framtida,” skriv forfattar Hilde Buer i denne første boka om villsauen.

Villsauboka gjev ei grundig framstilling av villsauen si kulturhistorie og fortel om villsauen sin plass i høve til andre sauerasar. Vi får høyre om kva som særpregar villsauen, og korleis ein kan få mest mogeleg ut av sauehaldet gjennom samspelet med dyra. Andre emne er stell av lyngheiane, lyngbrenning, avl, beiting og fôring, bruken av ulla, villsaugarden og sauehaldet i vid forstand.

Villsauboka er både ei lærebok og ei oppslagsbok, men også ei bok til glede og inspirasjon for alle med interesse for sauehald. Boka byggjer på oppdatert kunnskap og forskingsresultat frå inn- og utland.

For nokre tiår sidan var den norske villsauen truga av utrydding. I dag er villsauhaldet i stor vekst, og ein reknar med at det i 2010 var kring 40 000 søyer i landet. Desse sauene syter for å halde dei utrydningstruga lyngheiane opne og gjev liv i mange små kystbygder. Villsauen ber med seg rik kulturhistorie og viktig genetisk arv for framtida.

Hilde Buer (f. 1958) frå Os er sivilagronom med mastergrad i husdyrernæring. I 1999 slutta ho som fylkesjordsjef i Hordaland og flytta til øya Grøneng i ytre Sunnfjord, der ho er villsaubonde. I fleire år var ho leiar i Norsk Villsaulag BA, og ho er medlem i Norsk Genressursutval for husdyr.

Boka kan bestillast hos Hilde Buer: hilbuer@online.no

Utgitt 2011
192 sider, innbunden

«Villsauboka» er utseld
ISBN:

To utvalde bøker frå kategorien Andre bøker:

Byggjefesten

KRING 1965 skaut utviklinga i Førde fart, og bygdebyen opplevde dei neste tiåra den mest ekspansive perioden eit lokalsamfunn i Sogn og Fjordane har opplevt.
Les meir

Huldra, draugen og fanden sjølv

I Huldra, draugen og fanden sjølv blir vi kjende med eit rikt utval segner frå heile Sogn og Fjordane.
Les meir

Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no