Hovudmeny

Årboka

Bøkene våre

Aktuelt

30.03.2012

God påske!

Vi anbefaler den spanande serien "Odins smykke" som påskelitteratur i år.
Les heile saka »

21.03.2012

Sterke kvinner prega Sogn og Fjordane i 2011 på godt og vondt. Vi fekk kvinneleg fylkesmann, fylkesordførar og varafylkesordførar. Anne Karin, Åshild og Jenny skal styre oss, medan ustyrlege Berit og Dagmar gjorde livet surt for innbyggjarane på tampen av året.
Les heile saka »

02.03.2012

Fjordamat i nytt opplag

Bruken av tradisjonsmat og lokale råvarer er populært som aldri før. Fjordamat-bøkene til Selja Forlag er no trykte i 9 opplag – til saman 27 800 eksemplar.
Les heile saka »

Gå til arkiv

Boka om Skåla snart utseld frå forlaget

Publisert 14. desember 2011
kl. 11:48:37 av Grethe Eithun

Boka om Skåla og Skålatårnet, som kom ut på Selja Forlag i haust, er snart utseld. - Opplaget var på 3500 eksemplar, og no har vi berre nokre få igjen, seier forleggjar Torkjell Djupedal i Selja Forlag.

"Skåla - fjellet og folket" er skrive av Stig Roger Eide og Inge Fænn, og handlar om det velkjende fjellet inst i Nordfjord, med nord-Europas lengste motbakke, 1848 meter rett opp. Kvar sommar vert eit av landets største motbakkeløp arrangert her.

Boka om Skåla er truleg den einaste boka i landet som handlar om eit enkelt fjell. Boka er ei praktbok i stort format, med både gamle og nye foto, som både fortel historia om Skålatårnet og om bruken av fjellet fram til idag, når 10.000 menneske årleg når toppen. Boka kom ut i august og har selt godt over heile landet, ikkje berre på Vestlandet.

Skålatårnet på toppen av fjellet er ei av dei høgstliggjande hyttene i landet, og det runde steinbygget er ei av dei mest særmerkte hyttene. Det var distriktslege Hans H. G. Klouman som i 1892 fekk bygd hytta, til bruk både for tuberkolosepasientar og fjellvandrarar. I våre dagar er det fjellfolket som har teke over Skåla, og alle som har streva seg opp dei lange og bratte motbakkane får med seg eit minne for livet.

- Det er irriterande å gå tom for bøker, men eigentleg er det eit hyggeleg problem. Det er alltid vanskeleg å treffe akkurat med eit opplag, men vi kjem til å trykke nytt opplag etter nyttår, seier Torkjell Djupedal i Selja Forlag.

Gå tilbake

Copyright © 2008 by Selja Forlag AS | Postadresse: Postboks 151, 6801 Førde | Besøksadresse: Bergehallen, Fjellvegen 18, 6800 Førde
Telefon: 57 83 22 20 Mob.: 901 86 882 Telefaks: 57 83 22 01
Webutvikling og Webdesign av CodeService.no
Epost: selja(at)selja.no